Византија од XII-XV век

Византија (Источно Римско Царство) е создадено со поделба на Римската империја на два дела во 395 година. Според името на градчето Византион, каде била подигната новата престолнина Константинопол, државата е наречена Византија. Византија се простирала на три континенти: Африка, Азија и Европа. Службен јазик бил латинскиот а подоцна станал грчкиот. Официјална религија во Византија било христијанството. Како држава со висока култура таа постоела илјада години. Имала влијание во ширењето на христијанството. При крајот на 1018 година Византија ја освоила цела Македонија, Во текот на XI век успешно се справила со востанијата во Македонија, но минувањето на крстоносците од крстоносните војни
значително ја ослабнала Византиската држава. Слабеењето на Византија се изразувало преку отцепување на крупните феудалци.
Потпаѓање на Византија под власта на Латините
Во Почетокот на XIII век Византија потпаднала под власта на крстоносците
при четвртиот крстоносен поход. Во 12о4 година била урната Византија и на
нејзино место биле создадени повеќе крстоносни држави познати како
латински држави. Со седиште во Констанопол -Цариград било создадено
Латинското царство. Градот Солун станал средиште на Солунско кралство,
познати биле и Епирското деспотство и Никејско царство. Латинските
држави воделе војни меѓу себе за тоа кој од нив да биде наследник на
Византското царство.
Обновување на Византиската империја
Дури во 1261 година било урнато Латинскато царство, и била возобновена
Византиската Империја. Но сега над Византиската држава се надвиснала
нова опасност. На источните граници како непријатели се јавиле Турците а
на Балканот значителен е подемот на Бугарското Царство и Србското
Кралство. Во првата половина на XIV век во Византија избувнала граѓанска
војна од која најмногу полза имале балканските држави. На Исток зајакнала
Османлиската држава
Потпаѓање на Византиската Империја под власта на Османлиите
Во XV век Византија била бледа слика од некогашната моќна Византиска
Империја. Повиците за помош кон западноевропските земји не дале
резултат, зашто и тие се плашеле од Османлиите. Византиското царсво
станувало се помало. Во април 1453 година пред ѕидините на
Константинопол, се собрала голема османлиска војска. За одбрана на градот
пристигнале 700 војници од италјанскиот град Џенова и мал број на војници
од западноевропските држави. Бранителите на Константинопол храбро се
бранеле. За да ги охрабри византискиот цар Константин XI Драгаш лично
учествувал во одбраната на градот. Ѕидините попуштиле Последната одбрана
била кај црквата св софија. Во одбраната на Константинопол загинал и
византискиот цар Константин XI Драгаш. Со паѓањето на престолнината
под власта на османлиите во 1453 година Византија престанала да постои.
По освојувањето османлиите градот го преименувале во Истанбул.
Византија како држава останала големо културно наследство, ималаогромно
влијание во ширењето на христијанството.

ПОЛОЖБАТА НА МАКЕДОНЦИТЕ ВО БУГАРИЈА 1941-1944

Во периодот на Втората светска војна  во пииринскиот дел на Македонија  пукнала првата антифашистичка пушка  на Балканот 

По нападот на фашистичка Германија  против СССР на 22 јуни 1941 година во Пиринскиот дел на Македонија  веднаш почнале подготовките  за вооружен отпор против Фашизмот. Подготовките за вооружен отпор  биле забрзани со доаѓањето на  Никола Парапунов на чело на обласниот комитет на КПБ. Првата партизанска група  во Пиринско била формирана од Иван Козаров и Никола Парапунов во селото Добриниште (Разлошко). На 27 јуни 1941 година пет дена по нападот  на Германија против СССР, оваа партизанска група влегла во борба со полицијата. Ова всушност била  прва оружена акција  не само во Бугарија  туку и воопшто на Балканот.  Во 1942  година  партизанските групи ја прошириле својата активност. Вакви групи  биле формирани во Горноџумајската Неврокопската и Петричката Околија. Во 1942 година во Горна Џумаја  бил извршен  напад на германската станица за врски во центарот на градот.

Решенијата од  Првото заседание на АСНОМ  на кое учествувале и преставници  од Пиринскиот дел на Македонија имале голем одзив во Пиринскиот крај. Идеата за обединување со Вардарскиот дел била силно присутна  и кај Македонциите од овој дел на Македонија.
 Учествувајки во антифашистичката борба  македонците од овој дел  на Македонија  се надевале дека  по војната  Бугарија ќе им ги признае и ќе им ги гарантира  националните права.

Во 1944 година  со одлука на ЦК  на КПБ, партизанските одреди од Пиринскиот дел на Македонија  ја формирале  Четвртата востаничко оперативна зона, а подоцна  била формирана  и македонската бригада Јане Сандански.


Размисли и одговори
Кој имал главна улога  во започнувањето на  антифашистичката  и националноослободителната  борба  на Македонците  од Пиринскиот дел на Македонија?
Каков одзив имале решенијата  од Првото заседание  на Асном  во Пиринскиот дел на Македонија?
Кога и каде е формирана Македонската бригада јане Сандански?